Matur | mbl | 18.7.2018 | 14:09

Lambakóróna með garðablóðbergssósu

Í Vestmannaeyjabæ rekur Einar Björn Árnason veitingastaðinn Einsa kalda. Einar man eftir sér sýslandi í eldhúsi sem lítill peyi og leiðin lá snemma í kokkanám á meginlandinu. Hann sneri svo til baka og þegar Landeyjahöfn varð að veruleika sá Einar að grundvöllur væri fyrir að opna flottan veitingastað í miðbænum og hafa hann opinn allan ársins hring. Ásdís Ásgeirsdóttir

Þessi uppskrift er til háborinnar fyrirmyndar og ætti að vekja minningar í hjörtum þeirra sem hana prufa. Panko-raspurinn stendur hér upp úr en garðablóðbergssósan er algjörlega geggjuð.

Uppskriftin kemur frá meisturunum á Einsa kalda í Vestmannaeyjum.

Hlekkur

Lambakóróna með garðablóðbergssósu

Nóg fyrir 6

Krydd

½ búnt dill
½ búnt graslaukur
½ búnt basilika
dass af sjávarsalti
100 g Panko-raspur
50 ml olía
kornsinnep (fer ekki í matvinnsluvélina)

Aðferð:

Setjið allt í matvinnsluvél, nema olíuna sem kemur síðast og er hellt út í í mjórri bunu. Raspurinn verður þá fallega grænn.
Brúnið lambarifin á pönnu upp úr olíu. Smyrjið kjötið síðan með kornsinnepi og veltið því upp úr kryddjurtaraspinum.
Eldið svo í ofni á 180°C í 12 mínútur og hvílið í stutta stund. Ef mældur er kjarnhiti er flott að ná 58-59°C og hvíla. Skerið því kórónu næst í sneiðar.

Meðlæti

kartöflusmælki
gulrætur
sveppir
perlulaukur
grænkáli
lambasoðgljá

Gott er að setja grænmetið í ofn með olíu eða pönnusteikja.

Garðablóðbergssósa

1 skarlottslauksgeiri
1 hvítlauksgeiri
1 grein af garðablóðbergi
1 dl gott rauðvín
1 l gott nautasoð
100 g smjör
salt
pipar
annað krydd eftir smekk

Aðferð:

Svitið skarlottlaukinn og hvítlaukinn á pönnu.
Rífið af einni grein af garðablóðbergi og svitið með. Hellið rauðvíni út á pönnuna og sjóðið niður um helming. Hellið einum lítra af góðu nautasoði út í og sjóðið niður um ¾. Takið sósuna af hitanum þegar hún er orðin þykk og bragðgóð.
Gott er að bragðbæta eftir smekk, t.d. með salti, svörtum pipar, anís, kardimommukryddi og kryddjurtum. Í lokin eru 100 g af smjöri skorin í kubba og blandað við sósuna með töfrasprota.