Matur | mbl | 6.9.2018 | 5:09

Einfaldur og ofurhollur hafragrautur

Eggert Jóhannesson

Þessi grautur er svo mikil snilld því það þarf ekki að elda hann heldur útbúa hann kvöldinu áður og geyma hann svo í ísskáp yfir nótt og þá er hann tilbúinn morguninn eftir. Hann er fullkominn sem nesti í vinnuna eða skólann og eins ef maður er á hraðferð á morgnana og nennir engu veseni. Hann er ofurhollur og dásamlega góður.

Einfaldur og ofurhollur hafragrautur

Fyrir: 1
Undirbúningur: 5 mínútur

Innihald

1 1/2 dl tröllahafrar
2 dl möndlumjólk
1/2 dl lífrænt kókosmjöl
2 góðar msk grísk jógúrt (mér finnst með vanillu og kókos frá Örnu æði)
smá skvetta akasíuhunang
hindber á toppinn

Aðferð

Blandið öllu saman í glerkrukku og hrærið vel. Setjið smá akasíuhunang ofan á og svo hindber (eða þau ber sem þið eigið til). Setjið krukkuna inn í ísskáp og látið standa yfir nótt. Einfaldara gerist það ekki!