Matur | mbl | 17.10.2018 | 22:31 | Uppfært 18.10.2018 4:29

Blóðug augu vinsæl þessa dagana

Blóðug augu eru fullkominn munnbiti. mbl.is/Taste of Home

Halloween hefur tekið miklum vinsældum hér á landi í gegnum árin. Þessi dagur er haldinn hátíðlegur í Bandaríkjunum af börnum og ekki síst fullorðnum. Það er mikið lagt í skreytingar við húsin og flestir bjóða upp á einhvers konar „hrylling“ til að maula á. Hér kemur uppskrift að blóðugum augum fyrir þá sem taka þessa hefð alla leið.

Blóðug augu (12 stykki)

2 bollar flórsykur, sigtaður
½ bolli mjúkt hnetusmjör
3 msk. mjúkt smjör
Hvítt súkkulaði
24 súkkulaðidropar eða M&M´s
1 msk. vatn
Rauður matarlitur

Aðferð:

Setjið 1 bolla af flórsykri, hnetusmjör og smjör í ílát. Mótið í litlar kúlur og setjið á smjörpappír og í kæli í 30 mínútur.
Bræðið hvíta súkkulaðið undir vatnsbaði og dýfið kúlunum út í. Setjið litla súkkulaðihnappana strax á kúlurnar sem augu og leyfið súkkulaðinu að harðna í sirka 30 mínútur.
Blandið saman vatni og matarlit í restina af flórsykrinum. Setjið í sprautupoka og klippið lítið gat fremst á pokann. Skreytið súkkulaðikúlurnar eins og lekandi blóð og berið fram í næsta partíi.