Matur | mbl | 26.11.2018 | 17:05

Svona gerir þú heimagert jólatré

Það gerist ekki stílhreinna en þetta heimagerða jólatré. mbl.is/Caroline Burke

Þessu tré fylgir kannski ekki greni-ilmur en það er engu að síður jólalegt. Oftar en ekki rekst maður á heimatilbúin jólatré sem þetta á helstu bloggsíðum heims og fyrir ykkur sem langar í eitt slíkt er uppskriftina að finna hér.

Þú þarft:

Hringlaga spýtur (prik í 3 þykktum)
Borvél
Sög
Málband
Vasa eða blómapott
Sand

Merkið fyrir fyrsta gatinu sem á að bora í „stöngulinn“ (þykkasta prikið, um 2,5 cm í þvermál), og þá sirka 10 cm frá toppi priksins. mbl.is/Caroline Burke

Mælið fyrir gati númer tvö, um 25 cm frá toppi priksins og því næst gati númer þrjú um 40 cm frá toppi. Mikilvægt er að snúa alltaf aðeins spítunni til að götin verði ekki alveg í beinni röð. mbl.is/Caroline Burke

Skiptið núna um bor til að bora fyrir þykkari prikunum – í 56, 71 og 86 cm fjarlægð frá toppnum og munið að hreyfa spítuna til hægri og vinstri þegar götin eru boruð. mbl.is/Caroline Burke

Því næst er að saga prikin niður sem eiga að mynda greinar. Grennri spíturnar fara í fyrstu þrjú götin og þær þykkari í næstu þrjú. mbl.is/Caroline Burke