Áttu uppþvottavél? Þá þarftu að vita þetta

Það geta verið misjafnar skoðanir á því hvernig eigi að ...
Það geta verið misjafnar skoðanir á því hvernig eigi að raða í uppþvottavélina. mbl.is/l i g h t p o e t/Shutterstock

Það virðast vera tvær leiðir til að raða í uppþvottavélina – þessi rétta og svo hin sem er ekki að virka. Þeir sem eru að raða „rétt“ í vélina, að þeirra mati, geta pirrað sig ótrúlega yfir því þegar aðrir á heimilinu hrúga leirtauinu þar inn. Oftar en ekki endurraðar viðkomandi aðili aftur í vélina áður en hún er sett í gang. Hér eru þrjú atriði sem gott er að hafa bak við eyrað. 

  1. Regla númer eitt er að draga alltaf neðri rekkann út fyrst og tæma. Því ef þú byrjar á þeim efri eru miklar líkur á því að vatn sullist yfir á leirtauið á neðri hæðinni og því nennum við ekki.
  2. Skipulag skiptir öllu máli. Raðaðu í uppþvottavélina eins og þú myndir taka úr henni. Reyndu til dæmis að halda diskum í sömu stærð saman, þá er einfaldara að grípa nokkra diska í einu þegar þú ert að ganga frá beint inn í skáp.
  3. Settu allt smádót í einn poka! Snilldin ein er að nota taupoka (eins og þú notar undir viðkvæman þvott í þvottavélinni) – slíkur poki er fullkominn undir allt smádótið, t.d. lítil plastbox og lok af brúsum sem eiga það til að fljúga um vélina og vera full af vatni eftir þvott.
mbl.is