Það hlýtur að vera mikið líf og góð stemning í höfuðstöðvum IKEA þar sem margir skapandi einstaklingar hittast undir sama þaki. IKEA er að fara koma með ansi litríkar vörur á markað – bæði nýjungar og líka vörur sem við þekkjum vel en eru að koma fram í nýjum búning.

Vörulínan kallast FÖRNYAD og einkennist mikið af björtum litum, og það ekki að ástæðulausu. Vörulínan á að kalla til yngri kynslóðarinnar og hvernig þau geti lífgað upp á hversdagsleikann bæði heima fyrir og á skólabekknum. Allt til að hvetja unga fólkið til að hafa gaman og ekki gleyma að nota hugmyndaflugið og sköpunarkraftinn sem býr í okkur flestum.

Nýjar vörur ásamt öðrum klassískum má finna í vörulínunni, til dæmis hinn þekkti blái innkaupapoki sem nú prýðir litríkt og blómlegt munstur, KLIPPAN sófinn og LACK borðið. Eins eru stólar, lampi, motta, bollar og diskar svo eitthvað sé nefnt.