Ef það er einhvern tímann tilefni til að grilla geggjað grænmeti og búa sér til salat sem fær fullorðið fólk til að gráta þá er það núna.
Grillað asískt grænmetis- og núðlusalat
Grænmetis- og núðlusalat
- 230 gr. af þykkum japönskum núðlum (Udon)
- ½ bolli hrísgrjónaedik
- 2 msk. ljós púðursykur
- 2 msk. fiskisósa
- ½ tsk. salt
- 2 msk. fersk steinselja, söxuð
- ½ bolli muldar eða grófsaxaðar jarðhnetur
Grillað grænmeti
- 1 gult grasker (skorið á lengdina í strimla frá miðjunni en skiljið kjarnann eftir)
- 1 rauð paprika, fræhreinsuð og skorin í fjórðunga
- 1 gulur kúrbítur, skorinn í langar sneiðar, kjarninn látinn halda sér
- 1 gul paprika, fræhreinsuð og skorin í fjórðunga
- 1 appelsínugul, sæt paprika, fræhreinsuð og skorin í fjórðunga
- extra jómfrúarólífuolía
- ferskmalað salt og pipar
Aðferð:
- Sjóddu núðlurnar í sjóðandi vatni samkvæmt leiðbeiningum,
- yfirleitt um 10 mínútur.
- Helltu vatninu af og skolaðu núðlurnar í sigti, settu til hliðar.
- Þvoðu og skerðu grænmetið eins og fram kemur hér að ofan.
- Grillaðu grænmetið stutt á heitu grilli, um tvær mínútur á hvorri hlið svo paprikurnar verði svartar að utan og graskerið gullið.
- Grænmetið á að vera meyrt en þó þétt í sér. Taktu grænmetið af grillinu og skafðu svarta húðin af paprikunum.
- Skerðu grænmetið í grófa bita og settu í skál með núðlunum. Þeyttu saman salatsósuna og helltu yfir núðlurnar og grænmetið, blandaðu vel saman.
- Skreyttu með hnetunum.
- Bættu við meiri steinselju ef þú vilt. Þetta salat hentar jafnt sem aðalréttur eða meðlæti.