Fyrir þá sem ekki vita þá er keppt í pönnukökubakstri hér á landi og það er ekkert grín að vinna þá keppni. Keppendur hafa 20 mínútur til að gera deigið og baka 20 pönnukökur. Tíu á að skila upprúlluðum með sykri og tíu brotnum horn í horn. Þá taka dómarar tillit til umgengi á vinnusvæði meðan bakað er, frágangi á svæðinu og á pönnukökunum á fati, vinnubrögðum, útliti pönnukakanna þannig þær séu svipaðar í útliti og ekki brenndar og síðast, en ekki síst, bragðgæðum.
Á landsmóti Ungmennafélaganna 50 ára og eldri sigraði Sigrún Steinsdóttir glæsilega í pönnukökubakstrinum og þess má jafnframt geta að hún er móðursystir Alberts. Hún bauð honum í kaffi ásamt fleirum en ekki er von til þess að hún láti okkur í té sigur uppskriftina enda er hún fjölskylduleyndarmál.
En kaffihlaðborðið var glæsilegt og ekki að sjá annað en að hinn 83 ára nýbakaði Íslandsmeistari væri í miklu stuði.