Ostakakan sem slær út tiramisu

Ostakaka sem minnir óneytanlega á tiramisu, en er betri ef …
Ostakaka sem minnir óneytanlega á tiramisu, en er betri ef eitthvað er. mbl.is/Bobedre.dk_ © Anders Schønnemann

Þessi stórkostlega ostakaka minnir á ítalska eftirréttinn tiramisu en er hreint út sagt betri en rétturinn góði. Við mönum ykkur til að prófa.

Ostakakan sem slær út tiramisu (fyrir 8)

Botn:

  • 150 g engiferkex
  • 100 g smjör

Krem:

  • korn úr 1 vanillustöng
  • 2 msk. sykur
  • 400 g mascarpone
  • 200 g rjómaostur, hreinn
  • 170 g flórsykur
  • 2 dl rjómi
  • 50 g kakó
  • 200 g ladyfingers
  • 3 dl kaffi/espresso
  • kirsuber

Aðferð:

Botn:

  1. Setjið kexið í blandara og hakkið þar til alveg fínt.
  2. Bræðið smjörið og blandið saman við kexið.
  3. Setjið kexmassann í smurt form (ca 20 cm) og setjið í frysti í 30 mínútur.

Krem:

  1. Skrapið kornin úr vanillustönginn og setjið saman við sykurinn.
  2. Hrærið mascarpone saman við rjómaostinn þar til mjúkt.
  3. Bætið flórsykri og vanillusykri út í og hrærið saman.
  4. Þeytið rjómann og veltið varlega upp úr ostakreminu.
  5. Dreifið 1/3 af kreminu á kexbotninn.
  6. Dýfið ladyfingers í kaffi og leggið ofan á kremið.
  7. Sigtið kakó yfir og setjið aftur annað lag af kremi yfir.
  8. Endurtakið með ladyfingers í kaffi og leggið ofan á kremið.
  9. Sigtið kakó yfir og setjið restina af kreminu ofan á. Setjið kökuna í kæli yfir nótt.
  10. Sigtið kakó yfir og berið fram með amarena-kirsuberjum.
mbl.is