Ölgerðin heldur utan um skemmtilegar staðreyndir um sölu jólabjórsins ár hvert, og veitir verðlaun þeim stað sem selur mesta magnið. Þriðja árið í röð er það Keiluhöllin í Egilshöll sem hampar bikarnum en þar seldust 8.864 lítrar af jólabjór. 

Að sögn rekstraraðila kemur árangurinn í beinu framhaldi af stærsta ári í sögu Keiluhallarinnar en ríflega 180 þúsund manns léku keilu þar en Sportbarinn í Keiluhöllinni á stóran þátt í þessari miklu bjórsölu en hann er jafnframt einn vinsælasti sportbar landsins.

„Sportbarinn okkar er yfirleitt troðfullur flesta daga vikunna. Bæði er það enski boltinn sem trekkir að en einnig þeir fjölmörgu viðburðir sem fara fram í hverjum mánuði. Þar má nefna Dr. Football HjöbbQuiz, Megabingó Sveppa, Nei—hættu nú alveg með Villa Naglbít, Hæ, hæ með Helga og Hjálmari sem og fjölbreytta tónlistarviðburði. Aðventan var einstaklega viðburðarík og skemmtileg hjá okkur, og því erum við einstaklega stolt af þessum verðlaunum,” segir Andrea Pétursdóttir, framkvæmdastjóri Keiluhallarinnar.

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt