Matur | Veitingastaðir | mbl | 4.5.2020 | 11:48

Skipta staðnum upp í fjögur svæði

Jóhannes Ásbjörnsson, talsmaður Gleðipinna. Eggert Jóhannesson

Hinn langþráði 4. maí er runninn upp og lífið er smám saman að færast í eðlilegt horf. Fjöldi veitingastaða hafa nú opnað dyrnar á ný eftir lokun og er Keiluhöllin þar á meðal en það getur reynst töluvert snúið að opna svona stóran stað. Að sögn Jóhannesar Ásbjörnssonar, talsmann Gleðipinna, var mikið lagt upp úr að opna á eins ábyrgan hátt og kostur er og fara í einu og öllu eftir tilmælum Almannavarna og Landlæknis.

„Staðurinn er mjög stór og því auðvelt að skipta honum upp í svæði sem hvert um stig getur tekið við 50 manns. Við höfum útfært þessa svæðaskiptingu á mjög vandaðan hátt með öryggi viðskiptavina okkar og starfsfólks í forgrunni og förum eftir leiðbeiningum Almannavarna og Landlæknis”, segir Jóhannes.

Um er að ræða fjögur svæði. Keilusalurinn sjálfur, sem telur 22 brautir, er eitt svæði og þar verður áfram leikið á annarri hvorri braut. Shake&Pizza er skipt í tvö svæði og Sportbarinn er þriðja svæðið. Leið viðskiptavina og starfsfólks í gegnum svæðin er vandlega skipulögð. „Það er aðeins setið á öðru hverju borði á Shake&Pizza og fjarlægðartakmarkanir eru á gólfum. Viðskiptavinir okkar munu ekki eiga í neinum vandræðum með að komast leiðar sinnar og njóta okkar þjónustu þar sem að allar merkingar og leiðbeiningar eru afar skýrar og aðgengilegar”, bætir Jóhannes við.

Frétt af mbl.is

Eva Laufey með „pop-up" á Shake&Pizza

Gleðipinnar lokuðu hluta staða í ljósi faraldursins sem hefur geisað undanfarnar vikur. Nú hafa flestir staðirnir opnað aftur. „Við erum fegnir því að lífið sé smám saman að færast í eðlilegt horf. Við verðum að sjálfsögðu að fara varlega og við munum svo sannarlega gera það á okkar stöðum”, segir Jóhannes.

Veitingastaðir Gleðipinna sem eru opnir frá mánudeginum 4. maí eru: