Ertu að klúðra heimilisþrifunum?

mbl.is/actioncleaningservices.net

Það er svo margt sem við gerum daglega án þess að hugsa neitt nánar út í það. En hvaða slæmu ávanar eru það sem við ættum að horfa nánar í og breyta ef þörf er á?

Slæmir ávanar sem vert er að hafa í huga:

  • Þú snýrð tökkunum á ofninum eða eldavélinni daglega og stundum oft á dag. En manstu hvenær þú þreifst þá almennilega seinast? Takkarnir eru fullir af bakteríum ef þú hefur ekki snert þá með tuskunni lengi.
  • Það er eitt að nota skurðarbretti og annað er að nota skurðarbretti á réttan hátt. Aldrei aldrei aldrei skaltu nota sama brettið undir grænmeti og hrátt kjöt. Ef þú hefur verið að gera það til þessa skaltu hætta því strax.
  • Hvenær þreifstu matardall gæludýrsins seinast? Þú átt að gera það daglega, rétt eins og þú þværð matardiskinn þinn á hverjum degi.
  • Ef þú notar svamp til að þvo upp leirtauið er rétt að vita að hann er ekki ódauðlegur. Svampurinn geymir ógrynni af bakteríum og ber að skipta út í það minnsta einu sinni í viku.
  • Það eru að meðaltali um 421 þúsund bakteríur undir skónum þínum. Góð regla er að hætta að ganga á skónum innandyra til að dreifa ekki óþrifnaði út um allt hús.
  • Manstu eftir að þrífa handföng, slökkvara og fjarstýringar? Ef ekki, þá er ráð að byrja á því strax í dag.
  • Það eru margir sem nota ofninn daglega sem geymslurými. Hættu því alfarið þar sem þú eykur líkurnar á brunahættu í húsinu ef þú kveikir á ofninum og gleymir því sem er inni í honum.
  • Sturtuhengi ber alltaf að þorna þannig að það nái að lofta um. Passaðu að klappa því ekki saman eftir sturtuferðina því þá eru meiri líkur á að mygla myndist á henginu.
  • Þú endar heimilisþrifin ekki með því að þurrka af! Byrjaðu á því að þurrka af, annars er vinnan öll til einskis.
  • Ekki sturta niður með setuna uppi. Bakteríurnar í klósettinu munu elska að taka á flug um allt rýmið þegar vatnið byrjar að fljóta.
  • Flest okkar gleyma að skipta reglulega um ryksugupoka – en það er svo lítið mál og vélin vinnur mun betur fyrir vikið.
  • Og síðast en ekki síst – það allra mikilvægasta. Athugar þú reglulega hvort reykskynjarinn sé virkur? Hann gerir lítið gagn ef í hann vantar batterí sem tekur augnablik að skipta um en getur verið dýrkeypt ef hann virkar ekki.
Svampar eru ekki ódauðlegir! Ef þú notar slíkan í uppvask …
Svampar eru ekki ódauðlegir! Ef þú notar slíkan í uppvask skaltu skipta honum út í það minnsta á viku fresti. mbl.is/Colourbox
mbl.is