Tagliatelline með kjúklingi og rjómapestósósu

Einfaldur og sjúklega góður pastaréttur a la Hildur Rut.
Einfaldur og sjúklega góður pastaréttur a la Hildur Rut. mbl.is/Hildur Rut Ingimarsdóttir

Þegar þú vilt að matreiðslan heppnist upp á tíu – þá þarf uppskriftin að vera auðveld og góð. Og þessi pastaréttur er einmitt þannig - hann tikkar í öll box. 

Það er Hildur Rut sem býður okkur upp á þetta kjúklingapasta með pestórjómasósu og ristuðum furuhnetum.  

Tagliatelline með kjúklingi og rjómapestósósu (fyrir tvo)

  • 2 kjúklingabringur
  • Ólífuolía
  • Salt og pipar
  • 1 krukka grænt pestó frá Filippo Berio
  • 1 ½ dl rjómi
  • 1/2 dl rifinn parmesan ostur
  • 8-10 kokteiltómatar
  • 1/2 dl ristaðar furuhnetur
  • Fersk steinselja eða basilika
  • Tagliatelline frá De Cecco

Aðferð:

  1. Skerið kjúklingabringurnar í tvennt langsum þannig að úr verða tvær þunnar sneiðar.
  2. Steikið þær á pönnu upp úr olíu og saltið og piprið.
  3. Bætið pestóinu saman við. Ég læt alltaf 2-3 msk af vatni í krukkuna þegar hún er orðin tóm (það er alltaf slatti af pestói sem verður eftir í krukkunni). Set lokið á og hristi saman. Helli svo restinni út í.
  4. Hellið rjómanum saman við og dreifið parmesan ostinum yfir. Blandið öllu saman. Bætið vatni eða rjóma saman við ef þið viljið hafa sósuna þynnri.
  5. Sjóðið tagliatelline eftir leiðbeiningum. Það tekur 5 mínútur að sjóða það.
  6. Skerið tómatana í sneiðar og dreifið yfir kjúklinginn.
  7. Dreifið að lokum futuhnetunum, steinselju eða basiliku og parmesan osti yfir allt saman. Berið fram með tagliatelline.
mbl.is/Hildur Rut Ingimarsdóttir
mbl.is
Fleira áhugavert
Fleira áhugavert