Matur | mbl | 11.11.2020 | 17:56

Hamingjusamar hafrakökur

Ljósmynd/Berglind Hreiðarsdóttir

Þessar frábæru hafrakökur koma úr smiðju Berglindar Heiðars á Gotteri.is. Hún segir þær bæði fljótlegar og einfaldar en þær eru með pekanhnetum og rúsínum sem passar einstaklega vel saman.

„Ég gerði þessar kökur í gærkvöldi með yngri dætrum mínum og gerðum við tvöfalda uppskrift því það er svo gott að geta sett þær í frystinn og síðan gripið með í nesti í skólann. Ég hef ekki tölu á því hvað ég er búin að borða margar síðan í gær en það er nú algjört aukaatriði, hahaha!" segir Berglind um kökunar góðu.

Hamingjusamar hafrakökur

Uppskriftin gefur 24-28 stykki

120 g smjör við stofuhita
230 g púðursykur
1 egg
2 tsk. vanilludropar
100 g Til hamingju tröllahafrar
160 g hveiti
½ tsk. lyftiduft
½ tsk. matarsódi
¾ tsk. salt
80 g Til hamingju pekanhnetur
100 g Til hamingju rúsínur

Aðferð:

Hitið ofninn í 175°C.
Þeytið saman smjör og púðursykur þar til létt og ljóst.
Bætið þá við egginu og vanilludropunum og þeytið áfram, skafið niður á milli.
Setjið næst tröllahafra, hveiti, lyftiduft, matarsóda og salt í skálina og blandið saman á vægum hraða.
Að lokum má saxa pekanhneturnar niður og blanda þeim ásamt rúsínunum við.
Mótið kúlur úr kúfaðir matskeið af deigi með smá bil á milli og bakið í um 12-15 mínútur eða þar til kökurnar fara að gyllast.