Skipulagssérfræðingurinn og áhrifagyðjan Sólrún Diego gaf á dögunum úr bókina Skipulag, sem mætti kalla sjálfshjálparbók fyrir glundroðakennd grey eða gagnlegustu bók síðari ára.

Bókin tekur á flestu því sem við þurfum að kunna til að vera ekki í algjöru rugli með flest. Sólrún er skemmtilega skipulögð og lumar á góðum ráðum, eins og hvernig á að skipuleggja ísskápinn en hér eru fimm atriði sem Sólrún fer eftir:

1. Raðaðu matnum alltaf eins í ísskápinn. Þannig áttarðu þig betur á því hvað er til hverju sinni og maturinn skemmist síður.
2. Settu álegg í box áður en það fer inn í ísskáp. Við það sparast pláss og ísskápurinn verður snyrtilegri.
3. Geymdu afganga í gegnsæju íláti svo þú sjáir hvað er í því. Á stærri heimilum er óvitlaust að merkja ílátið með dagsetningu.
4. Geymdu opna dós af matarsóda í ísskápnum til að eyða vondri lykt. Skiptu um dós á þriggja mánaða fresti eða þegar ísskápurinn er þrifinn. Skrifaðu dagsetningu á dósina svo þú vitir hvenær er tímabært að skipta henni út.
5. Taktu ísskápinn í gegn á einnar til tveggja vikna fresti. Byrjaðu á að tæma ísskápinn og þurrka létt innan úr honum áður en þú raðar matvælum aftur inn. Með því að fara reglulega í gegnum ísskápinn tekurðu frekar eftir því ef matvæli eru við það að skemmast og ert ólíklegri til að kaupa eitthvað sem þegar er til.

Tengdar fréttir

Húsráð

Þess vegna ættir þú að borða papaja daglega

• Svona geymast eggjahvítur og eggjarauður best
• Matvæli sem róa magann
• Hversu oft eigum við að skipta um tusku?
• Svona brennir þú hitaeiningum við heimilisþrifin

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt