Það eru matvörur sem eru góðar fyrir hunda en aðrar eru skaðlegar, og þá ekki bara súkkulaði sem þykir eitt það versta sem þú getur gefið hundinum þínum.

Lax er frábær fyrir hunda, því laxinn er fullur af vítamínum og prótínum. Lax inniheldur líka omega-3 sem er afar gott fyrir feldinn á hundinn þínum. Eina sem ber að passa er að laxinn sé eldaður í gegn, ekki kryddaður og kaldur. Svo ekkert sushi í hundadallinn.

Hundar geta étið epli, en þó ekki kjarnann, því fræin innhalda efnið sýaníd sem er ekki fyrir voffana okkar. Skerið eplið í minni bita og gefið hundinum hollan snakkbita.

Kjúklingur er vinsæll hjá hundum en hann þarf að vera vel steiktur og ekkert kryddaður.

Sumir hundar eru sólgnir í hafragraut – og láttu það eftir litla dekurdýrinu, því hann er hollur og góður. Sjáðu bara til þess að grauturinn hafi kólnað.

Ef hundurinn þinn er andfúll skaltu saxa niður steinselju og dreifa yfir matinn hans. Þá lagast andremman.

Grænar baunir, spínat og egg – allt eru þetta matvörur sem hundurinn má narta í.

Það sem þó ber að varast að gefa hundum er súkkulaði, rúsínur og vínber. Þessar matvörur hafa ekki góð áhrif á nýrun. Beikon ber líka að varast, því fitan á kjötinu þykir ekki góð fyrir hundinn þinn. Eins skaltu forðast að gefa hundum lauk, avókadó og sítrusávexti, þó að allt þetta sé hollt og gott fyrir okkur mannfólkið.

Tengdar fréttir

Húsráð

Þess vegna ættir þú að borða papaja daglega

• Svona geymast eggjahvítur og eggjarauður best
• Matvæli sem róa magann
• Hversu oft eigum við að skipta um tusku?
• Svona brennir þú hitaeiningum við heimilisþrifin

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt