Það þarf að þrífa ofnskúffurnar reglulega, því það safnast mjög fljótt og auðveldlega óhreinindi sem festast eftir matargerðina. Hér er skotheld leið sem svínvirkar.
Þetta þarftu að nota:
- svamp eða gamlan uppþvottabursta.
- brúnsápu
- plastpoka
- 1 msk salmíakspíritus
Aðferð:
- Smyrðu ofnskúffuna með þykku lagi af brúnsápu og notaðu svamp eða uppþvottabursta.
- Settu ofnskúffuna í poka, því ef sápan þornar er virknin ekki sú sama.
- Ef ofnskúffan er mjög skítug er ráð að setja 1 msk af salmíakspíritus í pokann.
- Látið plötuna liggja í einn til tvo daga og þá helst utan dyra eða í geymslu, svo að lyktin dreifi sér ekki um allt hús.
- Skrúbbið ofnplötuna vandlega og skolið á eftir með hreinu vatni.