Ljúffengt spínatlasagna með grískri jógúrt

Ljósmynd/Gott í matinn

Það er fátt sem toppar ljúffengt lasagna í kvöldmatinn. Hér er fremur einföld lasagnauppskrift sem ætti að slá í gegn á hverju heimili enda geggjuð.

Ljúffengt spínatlasagna með grískri jógúrt

Fyrir fjóra

  • 500 g spínat
  • 400 g kotasæla
  • 400 g grísk jógúrt frá Gott í matinn
  • fínrifinn börkur af 1 sítrónu
  • sjávarsalt og svartur pipar
  • múskat, eftir smekk
  • 8 dl tómatapassata
  • 4 dl rjómi frá Gott í matinn
  • 3 msk. fersk basilíka, fínsöxuð
  • 1 stk. hvítlauksrif, marið
  • 1 tsk. rauðar chilíflögur
  • lasagnaplötur, eins og þurfa þykir, ferskar eða þurrkaðar
  • smjörklípa
  • 1 poki rifinn mozzarella frá Gott í matinn

Aðferð:

  1. Stillið ofninn á 200°C.
  2. Kreistið eins mikið vatn og hægt er úr spínatinu.
  3. Blandið því saman við gríska jógúrt, kotasælu og sítrónubörk.
  4. Smakkið til með salti, pipar og múskati.
  5. Hrærið saman í annarri skál tómatpassata, rjóma, basilíku, hvítlauk og chilíflögur.
  6. Smyrjið eldfast mót með smjöri.
  7. Leggið lasagnaplötur yfir.
  8. Setjið helminginn af spínatblöndunni yfir.
  9. Leggið lasagnaplötur ofan á og endurtakið með afganginum af spínatblöndunni.
  10. Leggið lasagnaplötur ofan á og hellið síðan tómatarjómasósunni yfir.
  11. Sáldrið ostinum yfir og bakið í 40-45 mínútur.

Höfundur: Erna Sverrisdóttir

mbl.is