Rib-eye og chili bernaise-sósa

Fyrir 2-3

Hráefnalisti

• Rib-eye-steikur (2 x 300 g)
• Bökunarkartöflur (ein á mann)
• 1 ½ rauðlaukur
• 200 g gulrætur
• 3 hvítlauksrif (heil)
• 200 g sveppir (kastaníu og hefðbundnir í bland)
• 1 pakki Toro chili bernaise-sósa (+ smjör og mjólk skv.pakkningu)
• Smjör og olía til steikingar
• Ferskt timían
• Oregano, rósmarín, salt og pipar

Ribeye

1. Leyfið kjötinu að standa við stofuhita í að minnsta kosti klukkustund áður en það er grillað.
2. Hitið grillið og lokið kjötinu við háan hita, þannig að flottar grillrákir myndist og það brúnist vel á báðum hliðum.
3. Færið þá yfir á óbeinan hita og lækkið í grillinu.
4. Takið steikurnar af þegar kjarnhiti sýnir um 58°C, nuddið þær með smjöri, saltið og piprið.
5. Leyfið þeim síðan að hvíla í að minnsta kosti 10 mínútur áður en þið skerið þær.

Chili bernaise

1. Útbúið sósuna samkvæmt leiðbeiningum á pakka.
2. Hægt er að krydda hana aukalega með salti, pipar og mögulega chili ef þið viljið hana sterkari.