Það er mikið líf í veitingageiranum um þessar mundir. Í gær var opnuð nýjasta mathöll landsins, BORG29, en þar er að finna fjöldann allan af frábærum veitingastöðum.
Í maí er svo ráðgert að Finnsson Bistro verði opnað í Kringlunni þar sem Café Bleu var áður til húsa og má búast við að það verði mikil bylting fyrir gesti Kringlunnar og íbúa í nágrenninu. Nú er auglýst eftir yfirmatreiðslumanni með mikinn metnað í atvinnublaði Morgunblaðsins í dag.
Viðkomandi þarf að vera faglærður, þjónustulundaður og góður í mannlegum samskiptum með góða skipulagshæfileika. Búast má við að margir verði um hituna enda vinnutíminn með því betra sem gerist í veitingageiranum en staðnum er lokað klukkan 21 á kvöldin.
Auglýsinguna má nálgast HÉR.
- - -
Fylgstu með Matarvefnum á Instagram. Endalaus ævintýri, hugmyndir, skemmtilegir leikir og allt það heitasta heita ...
Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl