Matur | mbl | 28.4.2021 | 17:32

Geggjað brauð fyllt með parmaskinku og mozzarella

Ofsalega gott matbrauð með parmaskinku og mozzarella. Mbl.is/Vk Stock

Það jafnast ekkert á við gott matbrauð sem þú getur fyllt af dásamlegum hráefnum og notast við það sem er til í ísskápnum hverju sinni. Hér er uppskrift að brauði með parmaskinku, mozzarella og spínati.

Girnilegt sælkeramatbrauð

30 g ger
6 dl volgt vatn
4 msk ólífuolía
2 msk hunang
4 msk flögusalt
5 dl durum-hveiti
8 dl gott hveiti

Fylling:

4 handfylli spínat
1 msk olía
salt og pipar
12 parmaskinkusneiðar
2 mozzarellakúlur

Aðferð:

Hrærið gerið út í vatnið. Blandið olíu, hunangi og salti saman við ásamt durum-hveitinu. Hnoðið og bætið síðan hveitinu saman við.
Látið hefast í klukkutíma.
Veltið spínatinu upp úr olíu á pönnu og kryddið með salti og pipar.
Formið deigið í ferning, um sentimetra á þykkt. Dreifið spínatinu yfir og því næst skinku- og mozzarellabitum.
Rúllið deiginu upp eins og rúllutertu og penslið deigið á samskeytunum. Leggið á bökunarplötu á bökunarpappír og stráið hveiti yfir. Látið brauðið hefast í 30 mínútur undir viskastykki.
Bakið við 250 gráður í 5 mínútur – lækkið þá niður í 200 gráður og bakið áfram í 30 mínútur.
Látið brauðið kólna áður en þið pakkið því inn í hreint viskastykki. Skerið niður með beittum hníf.