Kjúklingarétturinn sem tikkar í öll box

Teriyakisósa 

• 100 ml vatn 

• 100 ml sojasósa  

• 3 msk hrígrjónaedik  

• 55 g döðlur 

• 1 hvítlauksgeiri (gróft skorin)

• 30 gr engifer (fínt rifið) 

• 2 msk hunang  

Setjið allt hráefnið nema hunangið í pott og sjóðið við væga suðu í 30 mín.

Bætið hunanginu út í og maukið allt saman með töfrasprota. 

 Bakaðar kjúklingabringur í teriyakisósu

• 4 stk kjúklingabringur 

• 2/3 af teriyakisósunni 

Veltið bringunum upp úr sósunni og látið þær standa í henni í ca 5 tíma.

Setjið bringurnar í eldfast mót og inn í 150°c heitan ofn í 50 mín. eða þar til þær hafa náð 73°c í kjarnhita. Takið þær svo út úr ofninum og setjið álpappír yfir bringurnar og látið þær standa í 15 mín. áður en þær eru bornar fram. Skerið bringurnar svo í þunnar sneiðar og berið fram með afganginum af teriyakisósunni.

Núðlur í sesam-sojadressingu með brokkólí, gulrótum, papriku og rauðlauk

• 50 ml sojasósa 

• 2 msk hunang

• 2 msk hrísgrjónaedik

• 50 ml sesamolía 

• 100 ml olífuolía 

• 1 hvítlauksrif 

• 1/3 bréf kóriander

Setjið allt saman í matvinnsluvél og maukið saman.

Núðlur 

• 250 gr eggjanúðlur 

• 300 gr gulrætur (skrældar og smátt skornar)

• 1 haus brokkólí (smátt skorið)

• 1 stk rauð paprika (kjarnhreinsuð og skorin í þunna renninga)

• 1/3 stk rauðlaukur (fínt skorin)

• ½ bréf kóríander (gróft skorin)

• ólífuolía til steikingar

• sjávarsalt 

• svartur pipar úr kvörn

Hitið pönnu með vel af ólífuolíu og steikið allt grænmetið á miðlungshita í 10 mín. eða þar til það er eldað í gegn og kryddið með salti og pipar. Sjóðið núðlurnar eftir leiðbeiningum á pakka. Hellið vatninu af núðlunum og setjið þær á pönnuna með grænmetinu. Slökkvið á hitanum undir pönnunni og bætið 2/3 af dressingunni út á ásamt kóríandernum og blandið vel saman. Berið restina af dressingunni fram með núðlunum.