Kjúklingalæri í grænkarrísósu með ananas og spínatsalati

Fyrir fjóra

Kjúklingalæri 

• 800 gr úrbeinuð kjúklingalæri 
• 1 msk hvítlauksduft 
• 1 tsk fínt salt 
• 1 msk malað engifer
• 1 msk sesamolía 
• 2 msk sojasósa 
• 2 msk olífuolía 

Setjið kjúklingalærin í skál ásamt öllu kryddi og olíu. Blandið öllu saman og látið standa inni í kæli í 24 tíma. Setjið í eldfast form í 200 gráðu heitan ofninn í 20 mín. eða þar til lærin ná 73 gráðum í kjarnhita.

Grænkarrísósa 

• 1 laukur 
• 1 hvítlauksrif 
• olía til steikingar 
• ½ l matreiðslurjómi
• 100 ml vatn 
• 3 tsk grænt karríþykkni 
• 1 tsk kjúklingakraftur 
• ½ stk límónusafi  
• fínt salt 
• sósujafnari

Skerið lauk og hvítlauk fínt og steikið létt í potti. Hellið rjómanum út í pottinn ásamt karríþykkni og kjúklingakrafti. Maukið allt saman með töfrasprota og þykkið með sósujafnaranum eftir smekk. Smakkið til með salti og límónusafa.

Spínat- og ananassalat 

• ½ ananas 
• ½ hunangsmelóna 
• ½ stk vorlaukur 
• 1 msk fínt skorinn rauður chili 
• 2 msk fínt skorið kóríander 
• 80 g ristaðar kasjúhnetur
• salt 
• 1 poki spínat 
• ½ límóna, safi og börkur 
• 4 msk ólífulía 

Skrælið og skerið ananas og melónu í litla bita. Skolið vorlaukinn og skerið hann fínt niður. Blandið öllu nema spínatinu saman í skál og smakkið til með salti. Skerið spínatið niður í þunnar ræmur og setjið út í skálina með hinu hráefninu. Setjið í fallegt fat og berið fram.

Gott er að bera þennan rétt fram með hrísgrjónum.