Mascarpone-tortellini með tómat og spínati

Fyrir fjóra

• 500 g ferskt eða þurrkað tortellini-pasta
• 1 laukur, smátt saxaður
• 2 hvítlauksrif, smátt söxuð
• 2 msk. smjör
• 200 g ferskt spínat, saxað
• 2 dósir hakkaðir tómatar
• 2 msk. tómatpaste
• 1 tsk. grænmetiskraftur eða grænmetisteningur
• salt og pipar
• 150 g íslenskur mascarpone frá Gott í matinn
• 1 fersk mozzarellakúla
• rifinn parmesanostur eftir smekk

Aðferð:

1. Sjóðið pastað samkvæmt leiðbeiningum. Sigtið vatnið frá og setjið pastað til hliðar.
2. Steikið lauk og hvítlauk í smjörinu þar til mýkist.
3. Setjið spínat á pönnuna og steikið aðeins áfram.
4. Hellið tómötum og tómatpasta á pönnuna ásamt grænmetiskrafti.
5. Látið malla í fimm mínutur og smakkið til með salti og pipar.
6. Hitið grill í ofni við háan hita.
7. Setjið pastað saman við sósuna og blandið saman.
8. Setjið litlar doppur af mascarponeosti með teskeið ofan á pastað ásamt mozzarella í litlum bitum og toppið með rifnum parmesan.
9. Setjið í eldfast mót ef pannan þolir ekki ofn.
10. Bakið undir grilli við háan hita þar til osturinn er gullinbrúnn.

Höfundur: Helena Gunnarsdóttir