Matur | mbl | 5.2.2022 | 18:01

Grænmetisréttur sem ærir bragðlaukana

Léttur og ljúffengur grænmetisréttur. mbl.is/Hildur Rut Ingimarsdóttir

Fylltur kúrbítur með grænmeti, fetaosti, klettasalati og spæsí mæjó er hér á borðum. Fullkominn réttur á bröns borðið eða sem léttur og ljúffengur kvöldmatur. Ef fetaosturinn er tekinn út, þá er rétturinn orðinn vegan – að sögn Hildar Rutar sem á heiðurinn að uppskriftinni.

Grænmetisréttur sem fullkomnar brönsinn

1 kúrbítur
Ólífuolía
1-2 dl brokkólí
1-2 dl blómkál
2-4 sveppir
Laukduft
Túrmerik
Cumin
Salt og pipar
Stappaður fetaostur
Klettasalat

Sósa

3 msk. majónes
1-2 tsk. Sambal oelek

Aðferð:

Skerið kúrbít í tvennt og hreinsið innan úr honum með skeið. Leggið á bökunarplötu og dreifið olíu og smá salti yfir. Bakið í ofni við 200° í 30 mínútur.
Á meðan, skerið brokkólí, blómkál og sveppi í bita og steikið á pönnu upp úr olíu. Kryddið með laukdufti, túrmeriki, kúmín, salti og pipar.
Fyllið kúrbítinn með blómkáls-og brokkólíblöndunni og dreifið stöppuðum fetaosti yfir.
Bakið kúrbítinn í 5-7 mínútur í viðbót. Toppið síðan með sósunni og klettasalati.