Kjúklingaréttur í dýrindis sósu

Ljósmynd/Berglind Hreiðarsdóttir

Hér er á ferðinni uppskrift sem smellpassar á degi sem þessum. Kjúklingurinn er í dýrindis sósu og ætti að slá í gegn á hverju matarborði.

Það er engin önnur en Berglind Hreiðars á Gotteri.is sem á heiðurinn að þessari uppskrift sem verður ábyggilega í uppáhaldi hjá ansi mörgum.

Kjúklingaréttur í ofni með ítölsku ívafi

Fyrir um 3-4 manns

  • 6 kjúklingalæri (upplæri)
  • 1 laukur
  • 2 hvítlauksrif
  • 1 dós ítalskur smurostur (300 g) frá MS
  • 400 ml rjómi
  • 1 box (180 g) Piccolo tómatar
  • Fersk basilika
  • Ólífuolía og smjör til steikingar
  • Salt, pipar og kjúklingakrydd

Aðferð:

  1. Hitið ofninn í 170°C.
  2. Brúnið kjúklingalærin upp úr blöndu af ólífuolíu og smjöri við meðalháan hita.
  3. Kryddið eftir smekk og brúnið vel á báðum hliðum, leggið næst í eldfast mót og útbúið sósuna.
  4. Saxið laukinn smátt og mýkið á pönnu upp úr smjöri og olíu. Kryddið með salti og pipar.
  5. Rífið hvítlaukinn saman við laukinn og steikið stutta stund til viðbótar og hellið næst helming rjómans á pönnuna.
  6. Bætið smurostinum næst saman við og hrærið þar til hann er bráðinn og bætið þá restinni af rjómanum út á og hrærið vel.
  7. Hellið yfir kjúklingalærin í fatinu, dreifið úr tómötunum yfir allt og bakið í ofni í um 25-30 mínútur.
  8. Berið fram með ferskri basiliku.
Ljósmynd/Berglind Hreiðarsdóttir
Ljósmynd/Berglind Hreiðarsdóttir
mbl.is
Fleira áhugavert
Fleira áhugavert