Með skýr skilaboð til ungra kvenna

Angelina Jolie er meira en bara falleg leikkona. Jolie er byrjuð að leikstýra, sinnir mannúðarmálum af miklum ákafa og var meðal annars gestaprófessor við London School of Economics fyrr á árinu. Jolie er með skýr skilaboð til ungra kvenna. 

Jolie ræddi kvikmynd sína First They Killed My Father ásamt hinni kambódísku Loung Ung í New York á dögunum en myndin er byggð á endurminningarbók Ung. Elle greinir frá því að Jolie hafi komið inn á ráðleggingar til ungra kvenna í máli sínu. 

„Gáfur ykkar er allt,“ sagði Jolie og sagði að hugur fólks er fullur af því sem við fyllum hann af. „Kona sem eyðir deginum sínum í að versla mun verða sú kona. Og kona sem eyðir degi sínum í að lesa og ferðast og læra og tala við fólk mun verða sú kona. Og hvaða kona vilji þið virkilega vera?“

Í huga Jolie leikur ekki vafi á hvor konan sé eftirsóknarverðara að vera. 

Angelina Jolie. mbl.is/AFP

• Blogga um frétt