Í kvikmyndum jafngilda gleraugu jafnan gáfum. Þrátt fyrir að einhverjum kann að finnast það fordómafullt að allt gáfað fólk séu gleraugnaglámar þá bendir ný rannsókn til þess að tengsl séu á milli gáfna og slæmrar sjónar.
Fræðimenn við háskólann í Edinborg rannsökuðu yfir 300 þúsund manns á aldrinum 16 til 102 ára til þess að skoða tengsl arfgenga þátta og vitsmuna fólks. Independent greinir frá því að fólk sem þurfti á gleraugum að halda væri 30 prósent líklegra til þess að vera gáfað.
Einnig voru tengsl á milli gáfna og heilsu fólks eins og langlífi, minni líkur á lungnakrabbameini og góðs hjarta- og æðakerfis og andlegrar heilsu.
Aðalrannsakandi rannsóknarinnar segir að mikið hefur átt sér stað í rannsóknum gáfna og gena á síðustu árum. Sjón fólks var ekki bara skoðuð heldur fann vísindafólkið næstum því 150 erfðaþætti sem tengdust því hversu gáfað fólk var, meðal þess var hár blóðþrýstingur og lífslíkur.