Hjá mörgum fer einhver hluti vinnudagsins í að senda tölvupósta. Þessir tölvupóstar eiga það til að verða heldur staðlaðir og leiðinlegir, en oft finnst manni eins og maður geti bara orðað hlutina á einn hátt. Það eru oft margir sem vilja ekki hljóma leiðinlegir í tölvupósti en það getur stundum valdið misskilningi.
Grafíski hönnuðurinn Dani Donovan var í nákvæmlega þeim sporum en hún hafði reynt að skrifa sömu setninguna milljón sinnum þangað til hún fékk nóg og bað um ráð á Twitter. Ráðunum rigndi yfir hana og tók hún saman bestu ráðin. Ráðin eru á ensku, en það er vel hægt að yfirfæra þau á íslensku og þeir sem eru í miklum samskiptum á ensku geta vonandi nýtt þessi ráð.
Ekki skrifa: Fyrirgefðu hvað það tók mig langan tíma að svara
Skrifaðu heldur: Takk fyrir að sýna þolinmæði
Ekki skrifa: Hvaða tími hentar þér best?
Skrifaðu heldur: Hvernig virkar klukkan __:__ fyrir þig?
Ekki skrifa: Minnsta málið/Ekki málið
Skrifaðu heldur: Alltaf gott að geta hjálpað
Ekki skrifa: Ég held við ættum kannski frekar að ...
Skrifaðu heldur: Það væri best ef við myndum ...
Ekki skrifa: Vonandi skilur þú þetta
Skrifaðu heldur: Láttu mig vita ef þú hefur einhverjar spurningar
Ekki skrifa: Langaði bara að athuga hvernig gengur
Skrifaðu heldur: Hvenær geturðu látið mig vita hvernig gengur?
Ekki skrifa: Úps fyrirgefðu, mér að kenna, þetta fór fram hjá mér
Skrifaðu heldur: Vel gert! Búin að laga þetta og setti nýtt skjal með í viðgengi. Takk fyrir að láta mig vita.
Ekki skrifa: Má ég fara fyrr?
Skrifaðu heldur: Ég þarf að fara í ___ klukkan __:__
og ef þú ert búin að sitja við skjáinn í 40 mínútur að reyna að útskýra það sem þú hefur að segja skrifaðu: „Næ ekki að útskýra nógu vel í tölvupósti, gætum við rætt þetta í persónu?“