Konur um allan heim birta nú svarthvítar myndir af sér á Instagram með fyrirsögninni #ChallengeAccepted eða #ÁskorunMóttekin. Tilgangur áskorunarinnar er að valdefla konur og hvetja þær til að birta myndir af sér.
Áskorunin felur líka í sér að konur styðji við bakið á öðrum konum og beini athygli að þeim.
Íslenskar konur eru búnar að taka þátt í áskoruninni en crossfit-stjarnan Katrín Tanja birti svarthvíta mynd af sér og skoraði á fleiri crossfit-stjörnur að birta mynd af sér. Önnur stjarna í crossfit-heiminum, Annie Mist Þórisdóttir, gerði slíkt hið sama og birti mynd af sér sem var tekin fyrir tímaritið Vogue fyrir nokkrum árum.
Áhrifavaldurinn Birgitta Líf Björnsdóttir hefur einnig deilt mynd af sér. Bloggarinn Elísabet Gunnars gerði slíkt hið sama.