Margar stjörnur verða frægar áður en þær fá tækifæri til að fara í háskóla. Nokkrar heimsfrægar stjörnur hafa þó tekið sér pásu frá frægðinni og sest á skólabekk. Á vef Elle má finna nöfn nokkurra stjarna sem hafa gefið sér tíma til að fara í háskóla.
Natalie Portman
Óskarsverðlaunaleikkonan sló í gegn sem unglingur og er í dag ein frægasta leikkona heims. Hún ákvað þó að ná sér í háskólagráðu og lærði sálfræði í Harvard.
Jodie Foster
Leikkonan hóf ferilinn sem barnastjarna og hefur nú snúið sér að leikstjórn. Foster stundaði nám í bókmenntafræði við Yale-háskóla.
Ashley Olsen
Barnastjarnan og tvíburinn Ashley Olsen stundaði nám í New York-háskóla og fór í starfsnám hjá fatahönnuðinum Zac Posen.
Joseph Gordon-Levitt
Leikarann þekkja margir úr unglingamyndinni 10 Things I Hate About You. Eftir að hann hætti að leika í sjónvarpsþáttunum 3rd Rock From The Sun um tvítugt skráði hann sig í Columbia-háskóla í New York. Hann útskrifaðist reyndar ekki og hætti árið 2004.
Emma Watson
Harry Potter-stjarnan Emma Watson stundaði nám við Brown-háskóla í Bandaríkjunum og var eitt ár skiptinemi í Oxford. Hún útskrifaðist með gráðu í enskum bókmenntum.
Dakota Fanning
Barnastjarnan hefur leyft systur sinni að njóta sviðsljóssins að undanförnu. Hún stundaði nám við New York-háskóla þar sem hún lagði áherslu á birtingarmynd kvenna í kvikmyndum og menningu.
Claire Danes
Leikkonan sló í gegn á móti Leonardo DiCaprio í Romeo og Juliet. Homeland-leikkonan tók sér tveggja ára hlé frá Hollywood þegar hún stundaði nám í leiklist við Yale-háskóla í Bandaríkjunum.
Karlie Kloss
Ofurfyrirsætan Kloss lagði vængi Victoria's Secret til hliðar þegar hún hóf nám við New York-háskóla árið 2015.
Julia Stiles
Leikkonan gaf sér tíma til að fara í Columbia-háskóla til að stunda nám í enskum bókmenntum.