Fyrrverandi klámstjarnan Jenna Jameson er drottning ketó-lífstílsins sem hefur tröllriðið öllu síðustu árin. Hún hefur misst 36 kíló á mataræðinu en hún fagnaði einu ári á ketó í maí síðastliðinn. Nú hefur hún birt 10 heilræði sem hún hefur tileinkað sér á þessari vegferð. 

Ráð 1 - Hentu öllu í ísskápnum og skápunum sem er unnið, með hátt innihald kolvetna, mikinn sykur (mundu að það eru til mörg orð yfir sykur)

Ráð 2 - Farðu í búð! Þetta er skemmtilegi hlutinn! Aðal ráðið mitt við matar innkaup er að versla í útjöðrum verslunarinnar en ekki inni í miðri búðinni. Þar eru grænt kál, steikur og lax. Egg og alvöru smjör eru vinir þínir

Ráð 3 - Ræddu lífstílsbreytinguna þína við alla á heimilinu og fáðu þau í lið með þér. Þið getið öll notið góðs af því. Ég geri vanalega hýðishrísgrjón eða pasta handa barninu mínu með því sem ég borða. Ef maki þinn vill ekki taka þátt með þér, biddu hann um að bera virðingu fyrir því sem þú ert að gera og ekki freista þín með kolvetnum.

Ráð 4 - Líttu á björtu hliðarnar! Þetta á ekki að vera kvöl. Einblíndu á hvernig þú ert að koma fram við líkamann þin og vertu stolt. 

Ráð 5 - Þetta er framtíðarmarkmið. Ketó-mataræðið er gott til lengri tíma litið og mun gagnast þér andlega sem og líkama

Jameson segir að maður eigi að líta á björtu hliðarnar því ketó-mataræðið á ekki að vera kvöl og pína. mbl.is/Instagram

Ráð 6 - Fylgdu kollegum mínum, Ketó-drottningum og kóngum á Instagram. Minn uppáhalds er @ketoguido.

Ráð 7 - Sýndu þolinmæði. Líkami hvers og eins bregst mismunandi við. Ég léttist um 18 kíló ofur fljótt en staðnaði og þurfti að byrja að fasta til að komast yfir það.

Ráð 8 - Ekki hræðast ketó-flensuna, drekktu nóg af vökva, saltaðu matinn þinn og hvíldu þig.

Ráð 9 - Google er vinur þinn. Ef þú ert að velta fyrir þér hversu mikið af kolvetnum er í matnum getur þú flett því upp.

Ráð 10 - Lestu alltaf innihaldslýsinguna. Það mun koma þér á óvart hversu oft það er búið að fela kartöflusterkju í mat.

Tengdar fréttir

Lífsstílsbreyting

Margir draga úr félagslegri virkni vegna grindarbotnseinkenna

• Gyða hefur náð að viðhalda lífsstílnum í 21 ár
• Winfrey slítur samstarfi við WeightWatchers
• „Þessi aðgerð bjargaði lífi mínu“
• Ívar greindist með sykursýki og borðar hráan mat í heilan mánuð

» Fleiri tengdar fréttir

• Blogga um frétt