Leikkonan Pamela Anderson segir fólk sem borðar veganmat betra í rúminu en aðra. Þetta ræddi hún nýverið í þættinum Good Morning Britain og átti Piers Morgan varla orð yfir öll heilræðin sem hún var með fyrir karlmenn í rúminu þessu tengt eins og fram kemur á vef Daily Mail. 

„Fólk sem er vegan er betri elskhugar. Kólesteról í kjöti, eggjum og mjólkurvörum gerir æðarnar harðar en hjálpar ekki til við aðra stinningu. Þú getur bætt heilsuna og aukið þolið í svefnherberginu með því að borða veganmat. Heilbrigður líkami er kynþokkafullur líkami. Að borða kjöt er ekki hollt og hefur verið sett í samband við hjartasjúkdóma, sykursýki, hjartaáföll og offitu sem eru aðalorsakir risvandamála. Að vera vegan getur hjálpað körlum á öllum aldri að vera betri í rúminu og minnkar jafnframt líkurnar á krabbameini í eistum. Það þarf enginn að borða kjöt, þar sem við fáum allt sem við þurfum úr hollum veganmat,“ segir hún í nýlegri færslu á instagram. 

Anderson er mikill dýravinur og á bágt með að horfa upp á það dýraníð sem hún segir viðgangast í matvælaframleiðslu. 

„Milljarðar dýra sem er slátrað árlega í Bandaríkjunum eru aldir á skítugum býlum þar sem þeir eru látnir hírast í þröngum básum, beittir ofbeldi og síðan leiddir til slátrunar þar sem þeir drepast á sársaukafullan hátt.“ 
 

Tengdar fréttir

Samskipti kynjanna

Hafrún og Sigmar ástfangin í eitt ár

• Ester og Björgvin eru nýtt par
• Kvæntist ástinni eftir 22 ára samband
• Margt fólk yfir 35 ára ósátt við líf sitt
• Vilja að karlmaðurinn sjái um bílinn og taki bensín

» Fleiri tengdar fréttir

• Blogga um frétt