Það er alltaf að koma betur og betur í ljós hversu mikilvæg heilbrigð þarmaflóra er almennri heilsu. Góð flóra hefur jákvæð áhrif á andlega heilsu, minnið, húðina, hárið og í raun allt sem talist getur mikilvægt.
Það eru til nokkur einföld ráð til þess að hlúa að góðri flóru og viðhalda henni en hafa ber í huga að allt snýst þetta um að skapa hollar venjur sem maður getur viðhaldið út lífið. Þetta er ekki spretthlaup heldur langhlaup.
- Settu þér það markmið að fá að minnsta kosti sjö tíma svefn á hverri nóttu.
- Hreyfðu þig reglulega. Vertu virk og á hreyfingu út daginn og reyndu svo almennilega á þig alla vega tvisvar í viku.
- Borðaðu meira grænmeti, hnetur og fræ. Passaðu að hafa úrvalið fjölbreytt.
- Forðastu að borða á milli mála og reyndu að fasta reglulega í 12 tíma yfir nótt.
- Stilltu áfengisneyslunni í hóf og veldu rauðvín umfram kokteila.
- Borðaðu minna af kjöti en veldu þá kjöt af bestu sort. Fiskur er líka góður.
- Ekki hugsa um hitaeiningar heldur frekar um næringarinnihald. Forðastu unnar matvörur.
- Matur sem hefur að geyma „prebiotic“ trefjar eru til dæmis laukur, ætiþistill, kál. Þetta er gott fyrir flóruna.
- Áttaðu þig á lækningarmátt góðs matar. Rétt mataræði getur stundum reynst manni jafnvel eða betur en ýmis lyf.
- Ef þú dettur í skyndibitann, reyndu að velja einfaldasta réttinn með fæstum hráefnunum.
- Ekki bara herma eftir öðrum. Það sem virkar fyrir einn virkar ekki endilega fyrir annan. Hlustaðu á þinn líkama.
- Eldaðu eins oft og hægt er.
- Borðaðu eitthvað gerjað á hverjum degi eins og til dæmis kimchi, hreina jógúrt og kombucha.