Paltrow hannar húsgögn

Lífsstílsmerkið Goop undir forystu leikkonunnar Gwyneth Paltrow hefur sent frá sér sína fyrstu heimilislínu í samstarfi við húsgagna- og heimilisvörumerkið CB2. Paltrow segist trúa því að línan komi til móts við þarfir nútímafjölskyldna og segir hún í kynningu sinni að línunni að teymi hennar hafi lagt ótrúlega mikla áherslu á gæði. 

Allt frá borðbúnaði til sófa er að finna í línunni og kosta hlutirnir á bilinu 10 til 2.000 dollara eða frá rúmlega þúsund krónum upp í hátt í 220 þúsund krónur.

Eitt af uppáhaldshúsgögnum Paltrow úr línunni er bleikur bogadreginn sófi úr flaueli en sófinn  kallast Curvo.