Berglind Sigmarsdóttir, eigandi veitingastaðarins GOTT í Vestmannaeyjum, sýnir listaverk sín í Einarsstofu – Safnahúsi í Vestmannaeyjum um helgina. Goslokahátíð fer fram í Eyjum um helgina og því mikið stuð þar í bæ.
Myndlistarsýningin ber titilinn Í mínum litum og er lýsandi fyrir stíl Berglindar. Sýningin verður opin á morgun frá 14:00 til 18:00 og mun hanga áfram á safnahúsinu eftir hátíðina.
Sýninguna vann Berglind að mestu meðan á heimsfaraldrinum stóð og naut hún þess að ferðast með penslinum þegar allt var lokað og ekkert mátti.