Ef til vill getur hverfið sem maður býr í verið lykillinn að góðu hjónabandi ef marka má niðurstöður könnunar bresku fasteignasölunnar Savills. 

Í Bretlandi endar eitt af fjórum hjónaböndum í skilnaði á landsvísu. En sé litið til ákveðinna hverfa þá er dreifingin allt önnur. Í úthverfum á borð við Harrow í norðvesturhluta London og Redbridge í norðausturhluta London þá er tíðni skilnaða aðeins um 13%. Þá er fólk einnig afar hamingjusamt á stöðum á borð við Hertfordshire, Winchester og Guildford. Þar er fasteignaverðið hátt og skilnaðir fátíðir.

„London er svo full af fólki og menguð. Allir virðast vera stressaðir. Það líf hentaði okkur alls ekki,“ segir Ufir Kaparaboina forritari sem ákvað að flýja London út í úthverfin. „Við vildum stað sem studdi við fjölskyldulífið án þess þó að þurfa að fara langt frá borginni.“

Raunveruleikinn ekki eins og í The Holiday

Sérfræðingar segja það erfitt að meta í þessu tilfelli hvort komi á undan eggið eða hænan. „Einhleypir hafa ekki efni á að kaupa hús í þessum hverfum og þess vegna velst fólk þangað sem er efnað eða í tveimur vinnum. Þá er líka vitað að pör sem ekki glíma við mikla fjárhagsörðugleika eiga það til að endast lengur saman. Oftast eykst samt skilnaðartíðni í takt við uppgang fasteignamarkaðarins þar sem fólk getur þá grætt á eigninni og haldið hvort í sína áttina,“ segir Lucian Cook hjá Savills.

Þeir sem skilja velja svo oftast að flytja úr úthverfunum. „Maður skyldi ætla að það að vera einhleypur í sveitinni sé eins og að lifa í bíómyndinni The Holiday. Veruleikinn er hins vegar annar og flestir einhleypir kjósa að flytja annað. Það er ekkert verra en að vera alltaf að rekast á fyrrverandi makann í kjörbúðinni.

Tengdar fréttir

Samskipti kynjanna

Hafrún og Sigmar ástfangin í eitt ár

• Ester og Björgvin eru nýtt par
• Kvæntist ástinni eftir 22 ára samband
• Margt fólk yfir 35 ára ósátt við líf sitt
• Vilja að karlmaðurinn sjái um bílinn og taki bensín

» Fleiri tengdar fréttir

• Blogga um frétt