Inga Lind Karlsdóttir framleiðandi hjá Skot lét sig ekki vanta í frumsýningarteiti Kokkaflakks en þættirnir eru í umsjón Ólafs Arnar. Í þáttunum flakkar hann um heiminn og talar við fólk sem elskar mat. Um er að ræða seríu tvö af þáttunum sem eru ákaflega vinsælir í Sjónvarpi Símans Premium. Í frumsýningarteiti sem haldið var á Veðurbarnum var mikill glaumur og gleði enda Ólafur Örn mikill stemningamaður sem elskar góðan mat og góð vín.