Hljómsveitin Gud Jon hélt sína fyrstu tónleika á Íslandi í Iðnó á dögunum. Söngvarinn Högni Egilsson hitaði upp fyrir hljómsveitina. Hljómsveitina Gud Jon skipa Guðjón Böðvarsson sem er söngvari, Henry Counsell og Richard Jahn.
Guðjón og Henry semja alla texta og lög sjálfir en hljómsveitin gaf út sína fyrstu smáskífu sem heitir Holmgang fyrr á árinu.
Guðjón Böðvarsson er sonur Hendrikku Waage, sem hefur gert það gott sem skartgripahönnuður, og Böðvars Guðjónssonar sem oft er kenndur við KEX. Fjölskylda og vinir fögnuðu með honum á þessum tímamótum.