Bókinni bústaðir eftir Höllu Báru Gestsdóttur og Gunnar Sverrisson var fagnað ákaft í HAF store á föstudaginn. Í bókinni er að finna umfjöllun um fallega og spennandi íslenska bústaði um allt land. Hjónin Halla Bára og Gunnar hafa unnið saman um langt skeið en hann er ljósmyndari og hún innanhússhönnuður. Þegar þau sameina krafta sína gerist alltaf eitthvað skemmtilegt. 

Eins og sjá má á myndunum var gleðin við völd þegar bókinni var fagnað og allir komnir í nett jólaskap. Ef þú átt eftir að finna jólagjöf handa þeim sem eiga allt en hafa áhuga á fallegum hlutum er þessi bók aldeilis eitthvað til að vinna með.