Sýningin Helgi Þór rofnar eftir Tyrfing Tyrfingsson var frumsýnd í Borgarleikhúsinu á föstudaginn. Hjálmar Sveinsson og Ósk Vilhjálmsdóttir voru á meðal gesta en þangað mættu líka Viðar Eggertsson og Sveinn Kjartansson svo einhverjir séu nefndir. 

Verk Tyrfings fjallar um niðurdrepandi líf Jóns sem starfar á útfararstofu ásamt Helga Þór syni sínum sem er líksnyrtir. Það lifnar yfir þeim báðum þegar ung kona mætir í heimsókn til þeirra í vinnuna. 

Leikarar sýningarinnar eru Bergur Þór Ingólfsson, Erlen Ísabella Einarsdóttir, Hilmar Guðjónsson, Hjörtur Jóhann Jóhannsson og Þuríður Blær Jóhannsdóttir. Stefán Jónsson leikstýrir verkinu en leikmynd er í höndum Gretars Reynissonar. Margrét Benediktsdóttir gerði leikgervi og Pálmi Jónsson sá um lýsingu. Búningahönnun er í höndum Stefaníu Adolfsdóttur en Garðar Bergþórsson sá um hljóðið.