Bókaútgáfan Salka er búin að opna splunkunýja bókabúð við Hverfisgötu og var því fagnað ákaft á dögunum. Eigendur Sölku, Anna Lea Friðriksdóttir og Dögg Hjaltalín, kynntust í bókabúð og vita nákvæmlega hvernig bókabúðir eiga að vera. Mikið er lagt upp úr notalegu andrúmslofti í búðinni.
Margir góðir gestir mættu þegar búðin var opnuð með pomp og prakt. Bókaþyrstir gátu nælt sér í glóðheit eintök nýjustu bókanna og Sigríður Thorlacius og Guðmundur Óskar léku ljúfa tóna fyrir gesti.