Rithöfundurinn Ólafur Gunnar Guðlaugsson hlaut Íslensku barnabókaverðlaunin í ár fyrir bók sína, Ljósberi. Um er að ræða fyrsta bindið í þríleiknum um Síðasta seiðskrattann. Bækur Ólafs hafa hlotið mikið lof en bókin um Benedikt búálf er líklega hans þekktasta verk. 

Það var góð stemning í útgáfuboði Ólafs þegar hann fagnaði útkomu Ljósbera sem er fyrir örlítið eldri lesendur þótt hún flokkist sem unglingabók. Teitið fór fram í bókabúð Forlagsins úti á Granda.