Eldri systkini vilja oft meina að það yngsta sé það dekraðasta í systkinahópnum. Það getur vel verið enda bendir ný könnun til þess að yngsta barnið sé það barn sem er í uppháhaldi hjá foreldrum.
Þrátt fyrir að fólk ætti ekki að gera upp á milli barnanna sinna þá viðurkenna 25 prósent af þeim foreldrum sem tóku þátt í könnun sem Independent greinir frá að eiga uppháhaldsbarn. 61 prósent þeirra sögðu að yngsta barnið væri í uppáhaldi. Því miður fyrir þau sem eru elst í systkinahópnum voru bara 26 prósent sem sögðu að elsta barnið væri uppáhalds.
Þóttu eldri systkinin vera erfið og frek. Nærri helmingur foreldra sem áttu sér uppáhaldsbarn sögðu að barnið sem væri í uppáhaldi minnti það á þau sjálf. Yfir helmingur sagði auk þess að uppáhaldsbarnið fengi sig til að hlæja meira en hin börnin.