Besta kynlífið með vini kærastans

„Ég stundaði nýverið langbesta kynlíf lífs míns, en það var ekki með kærasta mínum. Við hnakkrifumst og það var með vini hans. Ég og kærasti minn höfum verið saman í fimm mánuði. Í byrjun elskaði ég hann. Hann var allt sem ég vildi og mér leið eins og hann væri sá eini rétti. Ég hitti fullt af vinum hans og kynntist einum af þeim sérstaklega vel þar sem hann skutlar kærasta mínum oft heim úr vinnunni og kemur inn og fær sér te,“ skrifaði kona sem leitaði ráða vegna framhjáhalds hjá Deidre, ráðgjafa The Sun. 

„Ég fór og fékk mér drykk með kærasta mínum eitt kvöld í síðasta mánuði og við fórum að hnakkrífast. Ég man ekki hvernig það byrjaði en þegar því lauk vorum við bæði mjög reið. Hann verður stundum árásargjarn þegar hann fær ekki sígarettu, sérstaklega á bar. Ég er 24 ára og hann er 27. Hann hefur aldrei lagt hendur á mig en hann var nálægt því þetta kvöld. Hann fór út með látum og skildi mig eina eftir á barnum.

Ég var í uppnámi og vissi ekki hvað ég ætti að gera. Ég var hrædd við að ganga ein heim. Ég hringdi í vin hans og sagði honum hvað hefði átt sér stað og hann kom og sótti mig. Ég útskýrði allt og grét í bílnum á leiðinni heim. Hann sagðist ekki vilja skilja mig eftir í þessu ástandi og við vissum ekki í hvernig skapi kærastinn minn væri í ef hann væri heima svo hann bauð mér í kaffi heim til sín. Hann byrjaði að tala við mig og sagði mér hversu sæt ég væri. Eitt leiddi af öðru og við byrjuðum að kyssast. Síðan stundum við langbesta kynlíf sem ég hef stundað á ævi minni. Mér líður illa yfir þessu þar sem ég elska kærasta minn. Hann segir vinum sínum að hann elski mig enn þrátt fyrir það sem gekk á. Ég veit það er rangt af mér en ég get ekki hætt að hugsa um vin hans. Hann er 28 ára og hættir ekki að biðja mig um að fara frá kærasta mínum fyrir sig með því að senda mér skilaboð og hringja. Ég er í svo miklu rusli, ég veit ekki hvað ég á að gera.“

Ráðgjafinn segir konunni að segja vininum að hún ætli ekki að halda fram hjá aftur og þurfi tíma til þess að finna út úr núverandi sambandi. Hann muni skilja það ef honum þyki virkilega vænt um hana. 

„Ef þú elskar enn kærasta þinn segðu honum að hann verði að takast betur á við reykingabann þar sem þú verðir hrædd við hann þegar hann verður árásargjarn. Þið hafið heldur ekki verið mjög lengi saman. Ef hann er ekki tilbúinn til þess að takast á við árásarhneigð sína er best að koma sér í burtu núna. Ef þú og „vinur“ hans byrjið saman er ég viss um að þið áttið ykkur bæði á því að kærastinn þinn mun ekki taka því of vel. Hann hefur engan rétt til þess að mótmæla en það þýðir ekki að hann muni ekki gera það.“

Konan segir að kynlífið með vini kærasta hennar hafi verið ótrúlega gott. mbl.is/Thinkstockphotos

• Blogga um frétt