Fimmtug og aldrei flottari

Leik- og söngkonan Jennifer Lopez verður fimmtug í dag, 24. júlí 2019. Það hefur gengið á ýmsu á þeim rúmlega 20 árum sem Lopez hefur verið í sviðsljósinu en akkúrat núna virðist ferillinn bara vera á uppleið.

Aðdáendur stjörnunnar vilja margir meina að hún hafi aldrei verið á betri stað í lífinu, aldrei verið hraustari og aldrei litið betur út. Í ár heldur stjarnan ekki bara upp á fimmtugsafmælið, en 20 ár eru síðan hennar fyrsta lag kom út og fór á topp Billboard-tónlistarlistans. 

Smartland leit yfir feril Lopez og rifjaði upp eftirminnilegan klæðnað hennar síðustu 20 ár á rauða dreglinum. Lopez hefur alla tíð verið hrifin af efnislitlum klæðnaði eins og sjá má á myndunum. Hún hefur sem sagt ekkert breyst síðan hún var þrítug.