Fólk hefur aðeins minna fyrir stafni þessa dagana og hafa íslenskar stjörnur meðal annars nýtt tímann og rifjað upp brúðkaupið sitt. Þær Salka Sól, Eva Laufey og Jóhanna Guðrún rifjuðu upp brúðkaup sín en meðan á samkomubanni stendur eru stórar brúðkaupsveislur ekki í boði. 

Salka Sól Eyfeld greindi frá því í beinni útsendingu frá heimatónleikum Helga Björns um síðustu helgi að hún væri komin í sóttkví. Salka gifti sig síðasta sumar og hefur greinilega nýtt tímann og skoðað myndir úr brúðkaupinu. Hún birti skemmtilega myndasyrpu af undirbúningi brúðkaupsins. 

Salka rifjaði upp brúðkaup sitt með því að birta nokkrar myndir. skjáskot/Instagram

Matarbloggarinn Eva Laufey Kjaran hefur verið dugleg að baka unanfarna daga. Hún gerði þó gott betur en að baka og borða köku á dögunum þegar hún klæddi sig í brúðarkjólinn sinn. 

„Við bökuðum kökur í dag og klæddum okkur aðeins upp. Má maður aðeins,“ skrifaði Eva Laufey við mynd á Instagram. 

Söngkonan Jóhanna Guðrún Jónsdóttir gift­ist eig­in­manni sín­um, Davíð Sig­ur­geirs­syni, í september 2018. Rétt eins og þær Salka og Eva Laufey rifjaði hún upp brúðkaup sitt með því að birta brúðkaupsmynd á Instagram. 

Tengdar fréttir

Brúðkaup

Ekki skila gæsinni áfengisdauðri heim eða steggnum heim í gifsi!

• Hvað er hægt að gefa „hressa parinu“ í brúðkaupsgjöf?
• Giftu sig í kastala í Elton John-brúðkaupi
• „Þetta var einn besti dagur lífs okkar“
• Hannaði og smíðaði giftingarhringana og brúðarskartið sjálf

» Fleiri tengdar fréttir

• Blogga um frétt