Eftirsóknarverðustu einhleypu konur landsins

Þessar konur eru eftirsóttustu einhleypu konur landsins um þessar mundir.
Þessar konur eru eftirsóttustu einhleypu konur landsins um þessar mundir. Samsett mynd

Sumarið í sumar er heldur óvenjulegt. Bannað er að djamma lengur en til ellefu á kvöldin, í það minnsta niðri í miðbæ. Það setur einhleypt fólk á þessu landi í erfiða stöðu og neyðist það til að reiða sig á aðrar leiðir til að kynnast framtíðarmaka sínum. Til að auðvelda landanum leitina að ástinni hefur Smartland tekið saman lista yfir það helsta sem er í boði á markaðnum í dag.

Guðríður Torfadóttir líkamsræktardrottning

Gurrý Torfadóttir hefur slegið í gegn á sviði líkamsræktar. Gurrý er með bein í nefinu eins og áhorfendur kynntust í þáttunum Biggest Loser Ísland. Hún rekur sína eigin líkamsrækt og veit svo sannarlega hvað hún syngur þegar heilbrigður lífsstíll er annars vegar.

Gurrý Torfadóttir.
Gurrý Torfadóttir.

Sigga Dögg kynfræðingur

Sigga Dögg kom nýlega á markaðinn eftir að hún skildi við eiginmann sinn. Sigga Dögg er bráðgáfuð og uppfull af visku um alls konar málefni. Sigga Dögg er mikill húmoristi og hefur gaman af lífinu.

Sigga Dögg.
Sigga Dögg. mbl.is/Árni Sæberg

Bríet Ísis Elfar tónlistarkona

Tónlistarkonan Bríet hefur notið mikilla vinsælda á síðustu árum. Hún er nýlega á lausu en hún og kærasti hennar hættu saman í vor. Bríet semur ástarljóð sem bræða og syngur eins og engill.

Bríet.
Bríet. mbl.is/Hari

Birgitta Líf Björnsdóttir áhrifavaldur

Birgitta Líf er ung kona á uppleið. Hún er snillingur í markaðsmálum og er með allt sitt á hreinu. Hún hefur gaman af ferðalögum og hreyfingu. Birgitta Líf er „brand ambassador“ fyrir kampavínsframleiðandann Möet og því oft með ískalda kampavínsflösku í hendi.

Birgitta Líf Björnsdóttir.
Birgitta Líf Björnsdóttir. mbl.is/Kristinn Magnússon

Kristín Pétursdóttir leikkona

Kristín Pétursdóttir leikkona er nýlega á lausu eftir að hún og barnsfaðir hennar Brynjólfur Löve hættu saman. Það er alltaf mikið stuð í kringum leikkonuna sem er dugleg að ferðast og skemmta sér með fjölskyldu og vinum. 

Kristín Pétursdóttir.
Kristín Pétursdóttir. Skjáskot/Instagram

Lilja Pálmadóttir hestakona

Lilja er án efa ein eftirsóknarverðasta einhleypa konan á Íslandi í dag. Hún er hestakona fram í fingurgóma og býr að hluta til í Mekku hestamanna, Skagafirði. Hún var áður gift Baltasar Kormáki leikara og leikstjóra en þau skildu árið 2019.

Lilja Pálmadóttir.
Lilja Pálmadóttir.

Helga Ólafsdóttir, fatahönnuður og listrænn stjórnandi

Helga hefur verið áberandi í íslensku hönnunarlífi en hún stofnaði íslenska barnafatamerkið iglo+indí fyrir áratug og var merkið selt um allan heim á meðan best lét. Helga er mikill fagurkeri og húmoristi sem elskar lífið. 

Helga Ólafsdóttir.
Helga Ólafsdóttir. Ljósmynd/Saga Sig

Svanhildur Nanna Vigfúsdóttir fjárfestir

Svanhildur Nanna hefur verið áberandi í íslensku viðskiptalífi og hefur setið í stjórnum fjölmargra fyrirtækja. Svanhildur Nanna er í fantaformi og ef hún er ekki á crossfit-æfingum er hún á ferð og flugi og þeytist á fjallahjóli um sveitir landsins. 

Svanhildur Nanna Vigfúsdóttir.
Svanhildur Nanna Vigfúsdóttir. Ljósmynd/Baldur Kristjánsson

Áslaug Arna Sigurbjörnsdóttir dómsmálaráðherra

Áslaug Arna dómsmálaráðherra er án efa ein af eftirsóttustu einhleypu konum landsins. Hún er með sterkar skoðanir og er ekki feimin við að segja þær. Áslaug er vinur vina sinna, skemmtileg og með hjartað á réttum stað. Hún æfir crossfit af miklu kappi og er mikil hestakona. 

Áslaug Arna Sigurbjörnsdóttir.
Áslaug Arna Sigurbjörnsdóttir. mbl.is/Eggert Jóhannesson

Helga Kristín Auðunsdóttir lögfræðingur

Helga Kristín er sviðsstjóri lögfræðisviðs Háskólans á Bifröst. Hún er hreystin uppmáluð og hefur unum af ferðalögum og útivist. 

Helga Kristín Auðunsdóttir.
Helga Kristín Auðunsdóttir.

Hanna Stína innanhússarkitekt

Hanna Stína hefur komið víða við í innanhússhönnun en hún lærði fagið á Ítalíu. Hún hefur hannað fjölmörg framúrskarandi heimili og fyrirtæki og er með sinn einstaka stíl. Hanna Stína kann að lifa lífinu til fulls og hefur gaman af ferðalögum. Hennar nýjasta skrautfjöður er staðurinn Duck and Rose sem nýlega var opnaður í miðbæ Reykjavíkur. 

Hanna Stína.
Hanna Stína.

Auður Jónsdóttir rithöfundur

Auður skildi við eiginmann sinn fyrir um tveimur árum og hefur meira að segja skrifað bók um skilnaðarferlið. Hún er án efa einn af bestu rithöfundum landsins en hún hefur hlotið mikið lof fyrir bækur sínar Fólkið í kjallaranum, Tilfinningabyltinguna og Ósjálfrátt. Þar að auki er hún pistlahöfundur á Kjarnanum. 

Auður Jónsdóttir.
Auður Jónsdóttir. mbl.is/Árni Sæberg

Ágústa Eva Erlendsdóttir leikkona

Ágústa Eva er kraftmikil einhleyp kona. Hún hefur verið á töluverðu flakki um heiminn en hún fer með hlutverk í HBO-seríunni Beforeigners. Þættirnir hafa slegið í gegn og er 2. sería í vinnslu. Ágústa Eva er búsett í Hveragerði þar sem hún nýtur lífsins.

Ágústa Eva Erlendsdóttir.
Ágústa Eva Erlendsdóttir. mbl.is/Karl R. Lilliendahl

Sigríður Thorlacius tónlistarkona

Sig­ríður Thorlacius er ein af glæsi­leg­ustu dæg­ur­laga­söng­kon­um lands­ins. Hún sló í gegn með Hjaltalín en er jafn­framt þekkt fyr­ir að hafa vakið at­hygli á mörg­um af helstu söng­perl­um Íslands. Hún er ein­stak­ur túlk­andi og listamaður sem er jafn­víg á marg­ar tón­list­ar­stefn­ur.

Sigríður Thorlacius.
Sigríður Thorlacius. mbl.is/Árni Sæberg

Þórunn Antonía Magnúsdóttir tónlistarkona

Þórunn Antonía er svo sannarlega ofurkona eins og hún syngur um í laginu sínu sem hún gaf út á síðasta ári. Þórunn er mjög sjálfstæð og ákveðin kona. Hún flutti einhleyp og ólétt til Hveragerðis þar sem hún er nú búsett.

Þórunn Antonía Magnúsdóttir.
Þórunn Antonía Magnúsdóttir.

Inga Tinna Sigurðardóttir verkfræðingur

Inga Tinna er svo sannarlega mikill fengur. Hún er verkfræðingur og hefur stofnað tvö fyrirtæki, Dineout og Icelandic Coupons. Hún hefur einnig unnið sem flugfreyja hjá Icelandair. Hún er vinmörg, skemmtileg, hress og klár kona sem enginn ætti að láta fram hjá sér fara.

Inga Tinna Sigurðardóttir.
Inga Tinna Sigurðardóttir. Ljósmynd/Facebook
mbl.is