Selling Sunset-þættirnir á Netflix hafa án efa ekki farið fram hjá neinum. Glæsilegar fasteignir, háir hælar, fyllingarefni og flókin samtöl halda áhorfendum við efnið. Svo ekki sé minnst á velgengni Oppenheim-bræðranna sem virðist meðal annars byggjast á hæfileikum þeirra til að finna góða fasteignasala sér við hlið.
Tískudívan Christian Richard fer ekki fram hjá neinum í þáttunum og það sama má segja um Mary Fitzgerald og Heather Rae Young.
Ein sú allra glæsilegasta er að mati margra Amanza Smith. Veruleiki hennar er sá að hún er tveggja barna einstæð móðir sem starfar sem hönnuður meðfram því að selja fasteignir fyrir Oppenheim-bræðurna.
Mörgum finnst lífsviðhorf hennar áhugaverð en ekki síður fatastíll hennar og fegurð.
Amanza Smith er oft í ljósum fatnaði sem hún blandar með svörtu. Hennar stíll eru kjólar sem eru annaðhvort stuttir eða ná rétt niður fyrir hné og minnir á tískuna á sjöunda áratug síðustu aldar.
Þegar hún kæðir sig upp á er hún gjarnan með fallega skartgripi og vel lagt hárið.
Hún er ófeimin við að nota lítinn farða og leyfir vanalega vörunum að vera ljósum.
Smith leggur áherslu á að vera í góðu formi og finnur fatnað sem passar vaxtarlagi hennar.
Húð hennar er lýtalaus og passar hún upp á að vera með ferskan gljáa sem hentar vel aldursbilinu sem hún er á.