Simmi Vill eldist eins og gott rauðvín

Athafnamaðurinn Sigmar Vilhjálmsson eða Simmi Vill eins og hann er kallaður benti aðdáendum sínum á þá staðreynd að hann hefur lítið breyst í heil tíu ár. Simmi birti myndir á Instagram sem voru teknar voru af honum nýlega og fyrir tíu árum. 

Myndirnar tók ljósmyndarinn Jónatan Grétarson en Simmi sem er 44 ára er með sama svipinn á myndunum. Erfitt er að greina hvaða myndir eru nýjar og hvaða myndir voru teknar fyrir tíu árum. 

Þegar grúskað er í myndasafni Morgunblaðsins virðist Simmi þó lítið hafa breyst síðan hann var 25 ára eins og sjá má á myndunum hér fyrir ofan. Rauða þykka hárið er enn til staðar og húð Simma hreinlega ljómar enda hugsar hann vel um húðina eins og fylgjendur hans á samfélagsmiðlum þekkja. Simmi setur til dæmis á sig maska. 

• Blogga um frétt